't Bombakkes

Op As-Woensdag hét Prins Ivo, geassisteerd dör Prinsés Henriëtte, öm 12:00 uur de trekking van van de optochtloterij verricht. Hiero.nder de winnende nummers, mit as Hoofdpries de 1 minuut gratis winkele bïj de Jumbo:

De prie.s kunde gedurende openingstijden afhaole bïj Brasserie ’t Geveltje.

Afgeloope weekend zien we mit veul ga.ste trug gewést naor de 90’s. Trug naor de flippo’s, de trolle, de guldes en de gabbers. Ien en mójje, vlot loopende zitting kwaame veul nïjje artieste op de buu.n, mar ôk i.nkele “a.lde bekénde”.
’t Was enne prachtige “trip down memorylane” zeas de ingelse da ze mój kunne zegge.

Ienmiddels zien we wér trug ien 2020, mar gelukkig kunnen we nog naogeniete, want Plötje en Mireille hébbe d’r op zaoterdag en zondag wér ennen haffel foto’s van gemâkt.

Afgeloope zaoterdag hébbe we genoote van én prachtige resépsie, mít after-party!
Prins Ivo d’n Örste en Prinsés Henriëtte wille hierbïj iedereen beda.nkte vör de harteleke fillisitaasies, de mójje weurd en de fijne cadeaus, Ze hébbe d’r è.cht van genoote en zien d’r nog steeds en bietje van onderstebaove!

Meer foto’s van de resépsie zien te viende ien ’t album op o.nze site:
https://www.bombakkes.nl/fotoalbums/nggallery/2019-2020/resepsie-2020

Op en gezéllige en goe.d bezo.cht kra.ntuutreiking bïj Café de Typhoon is vrijdagaovend ’t örste exemplaar van de nïjje Bombakkeskra.nt uutgereikt.

O.nder ovverwéldigende belángstélling en mit veul entoezjasme is Ivo Reintjes uutgeroe.pe tot de 71e Prins van ’t Bombakkes. Saame mit zien Prinsés Henriëtte zal hïj ien Génnep heerse ovver alle Bombakkiërs en ze vörgaon ien de Vastelaovend. 
Prins Ivo en Prinsés Henriëtte, van harte profiesjat mit óllie uutverkiezing !!