't Bombakkes

Afgeloope zaoterdag hébbe wïj ien stijl afscheid genoome van Prins Stefan en zien Prinsés Ankie. Op ’t tradiesjoneele Boerebal ien o.ns residensie Hotel de Kroon wier öm 11 ovver 11 Prins Stefan van al zien prinseleke waordigheede ontdaon en wér truggebraocht tot Boer. Daorna wier hïj opgenoome ien de broederschap van de Ex-Hooghedenclup ’70 van ’t Bombakkes. Vör ’t Bombakkes is nów en korte prinsloze periode engebraoke, mar nie getreurd: kómmende zaoterdag al zal d’n opvolger van Prins Stefan zien opwachting maake mit ’t Prinsebal ien de zaol van Pica Mare.

De derde Niersjaorsduik vanaf de vlonder bïj de Genneper Meule trok wér veul kie.kers die vanaf de kademuur, vlonder of de Highlanderbridge goe.d zicht hadde op de kaprioole van ongevèèr 111 örste helden van 2020.

Nao ’t startsignaal van wethouder Janine van Hulsteijn sprong Prins Stefan as örste ’t ka.lde waoter van de Niers ien, al gáw gevolgd dör zien kollegaas uut Ootersóm (Prins Maikel) en Heije (Prins Lars). Daarnao was ’t de beurt èn alle a.ndere springers die smèjs mit lichte tèègezin, mar smèjs ôk mit veul lol hun lot tegemoet spronge.

De foto’s van de Niersjaorsduik 2020 (met dank èn d’n Haon) zien te viende ien dit album.

Bïj zien afscheid as Burgemèèster van Vénroj, is o.nze a.ld-Vorst en Officier Hans Gilissen benoemd tot Ridder ien de Orde van Oranje Nassau. Gouverneur Theo Bovens spe.lde hum de bïjbeheurende versiersele op.

’t 4e Lallebal van ’t Bombakkes is afgeloope zaoterdag gewonne dör Jeugdjoekskepél d’r Ân. Mit hunne ènstèèkelek rap “Potentie” wisse ze de zjuurie te ovvertuuge en lie.te ze zie.n dat d’r kwa vastelaovend nog zat potentie zit ien de Génnepse jeugd! De twédde pries was vör Zuutjes Èn mit hun liedje “Vier Vasteloavend Saame” en de derde pléts was vör de Waggelaars mit “Génnep van Baove”. Zïj ginge ôk mit de thema-pries strieke.

Öm eerlek te zégge, wisse wïj nie wat wïj d’r van mósse verwa.chte. Zów d’r wel animo zien, vör zun feest op enne “dördewèèkse” môndag? Nów, dat was d’r! En bomvolle Mé.rt was getuuge van enne prachtige oopening van o.ns nïjje seizoen.
De enthousiaste reaksies én de groote opkomst liete o.ns zie.n dat we saame mit de Kroon en de Typhoon enne goeie zet hebbe gedaon. Dus schrie.f ’t mar vast ien ówwe agenda: 11-11-2020: D’n twédde Aftrap!!!

Meer mojje plötjes kunde viende ien ’t spissjaole Aftrap album