't Bombakkes

Wat hébbe we wér genoote van enne prachtige optocht dör Gennep. Heel veul mójje waages, groepe, paore en i.nkelinge hébbe, ondanks alle zèège van baove, ’t volk nèvve de weg enne mójje middag bezörgd! 

Hiero.nder kunde d’n uutslag van d’n optocht nog ’s naolèèze:

Prieswinnaars Optocht 2019

De zittinge afgeloope zaoterdagaovend en zondagmiddag waare en fantasties spéktakel van muziek, buuts, écts, kleur en geluid. Twee keer wier d’r en fantastiese show opgevoerd, den van de örste wies de létste minuut boeide. Da.nk èn alle artieste én ’t publiek mar ôk èn alle vrïjwilligers binne en buute ’t Bombakkes die dit onder leiding van regisseur Luc de Groot vör mekaor gekreege hébbe. Hiero.nder alvést wat plötjes, de rest kunde viende ien ’t spisjaole album.

Vörrige zaoterdag was de Resépsie Prins Stefan d’n Örste en zien Prinsés Ankie. Veule mi.nse uut Génnep, mar ôk van daorbuute, mie.ke van de gelegenheid gebruuk öm o.nzen nïjjen Hoogheid en zien Prinsés te fillisiteere mit hun benoeming.

Afgeloope vrïjdag is d’n örste Bombakkeskra.nt ediesie 2019 uutgereikt èn Prins Stefan en Prinsés Ankie.
Dankzïj de ienspanninge van veule redakteure, schrie.vers, adverténsieverkopers en nie te vergèète de kunstenaars bïj Printmarkt.eu is d’r wér enne mójje en extra dikke kra.nt geprizzenteerd!
Binnekort vèè.lt ie ôk bïj óllie ien de bus, dus veul lèèsplezier!

Hier zien de a.ndere foto’s. Mit da.nk èn Mireille en ’t Plékplötje

O.nder ovverwéldigende belángstélling en mit veul entoezjasme is Stefan Vloet uutgeroe.pe tot de 70e Prins van ’t Bombakkes. Saame mit zien Prinsés Ankie zal hïj ien Génnep heerse ovver alle Bombakkiërs en ze vörgaon ien de Vastelaovend. 
Prins Stefan en Prinsés Ankie, van harte profiesjat mit óllie uutverkiezing !!