Mit de trekking van de Optochtloterij, die pléts vo.nd op as-woensdag 17:00 uur, hét o.nzen Dorstlustige Hoogheid Prins Barend d’n Örste de volgende nummers uut de busse gehaold:
Uutslag optocht 2016
Via o.nderstaonde link kunde d’n uutslag van d’n groote Génnepse optocht van 2016 nog ’s naolèèze. D’r zien nog i.nkele prie.s nie afgehaold. As dat bïj ów ’t geval is, nim dan efkes contact op via optocht@bombakkes.nl, dan kömt ’t vanèèges goe.d.
Uutslag Optocht 2016
Gennep o.nder mekaor mit traon en lach
Ömdat we ’t èèges nie mójjer kunne beschrie.ve, stét hiero.nder en link naor ’t artikel ovver de zitting dat Bertus vör MaasduinenNieuws.nl geschreeve hét.
http://www.maasduinennieuws.nl/5656/gennep-o-nder-mekaor-met-traan-en-lach/
Ânvullinge Bombakkeskra.nt
Ien de Bombakkeskra.nt staon heel veul artikele, ’t één nog mójjer as ’t a.nder. Dör plétsgebrék kosse helaas nie alle stukke (helemaol) geplétst worre. Hiero.nder staon daoröm links naor de pagina’s waor de resterende stukke te lèèze zien.
Ex-Prins Jan de Véjfde óvverleeje
Zaoterdag 23 jan. 2016
Vandaag ontvinge wïj ’t droevige bericht dat o.nze Officier en Ex-Prins Jan de Véjfde ien de vroege mèè.n ien ziene slaop plotseling is óvverleeje. Jan (van der Mooren) was Prins Carnaval ien 1989 en hét heel veul vör de Génnepse Vastelaovend betèèkend. Hïj was veule jaore lid van de Raod van Ellef en ien dén tied met naame de drie.vende kracht achter de zittingsaovende “Génnep o.nder Mekaor”. Ôk nów nog was ie bïj de Ex-Hoogheden één van de kartrekkers öm ieder jaor mit die clup wér en mój stuk op de buu.n te brenge. ’t Is vör o.ns daoröm extra wrang dat ie juust op d’n dag van o.nze zitting van o.ns is hingegaon.
’t Was aoveriges de uutdrukkeleke wi.ns van Jan’s femilie dat de Zitting gewoon dörgang zów viende. Juust ömdat de zitting é.cht Jan zien ding was, hébbe wïj die wi.ns zeeker wille respekteere. We hébbe uuteraard op gepaste wieze stilgestaon bïj ’t ovverlijde van Jan.
En uutgebreid In Memoriam zal hier ze gáw meugelek wórre gepubliseerd.