T afgeloope Prinsejaor is ien een woord gewé.ldig te noeme. Gewé.ldig umdat ‘t zoveul högtepunte kènde. Natuurlik zien d’r ok minder mojje dinge gewèst.
‘t begon mit ‘t Prinsebal en eindigde op ‘t Boerenbal. Hôst 365 daage waare wïj Prins en Prinses. Op ’t Schlagerbal ien 2007 is ‘t allemôl begonne. Op dizze aovend hebbe wïj “ja” gezè.d tèège de Prinsenkeuzekemmissie.
Dan brekt d’r enne tied én waorien d’r veul zaake geregeld motte worre. Mar alles mit absoluute geheimha.lding. Da was enne spannende en mojje tied. Op ‘t Boerenbal van ExPrins Piërre en Ex-Prinses Jet hebbe wïj ’n par keer tegge mekaor gezèt: “Volgende wèèk staon wïj d’r!” Ienmiddels wiere wïj al regelmatig getipt en we konde hôst nie mer wachte wies ´t Prinsebal.
Op ´t druk bezochte Prinsebal waor iedereen gewé.ldig moj verkleejd was, was ´t èn feest um uut te komme as Prins Carnaval 2008. Iedereen was enthousiast en de reacties waare gewé.ldig. D´n aovend wier afgesloote mit ´n optreeje van Nick.
Daags nao ´t Prinsenbal stoonde de leeje van Bombakkes um 10.00 uur al op de stoep om oons huus lèèg te haole vör ´t oope huus. Binnen èn uur stoond d´r niks mèr ien, behalve èn par hangtoffels. Vör ´t oope huus zien we naor de receptie gewè.st van Prins Theo en Prinses Yvonne ien Hèjje. Bij trugkomst uut Hèjje stoonde de urste gaste al te waachte. Dèn middag was oons huus gewoon te klèèn vör zoveul mi.nse Gelukkig liet ´t wèèr ´t toe um ok buute te blieve. Meteen nao ´t oope huus ginge we naor ´t Prinsenbal van de Coloradokèèvers. Saame mit Jeugdprinses Nena en Kleuterprins Freek hebbe we d´r nog èn gewé.ldig feest van gemakt.
Op de môndag bezochte we ´t Waggelaarsbal wôr Prins Mat en Prinses Marije uitkwaame as Prinsenpaar van de Waggelaars. Gewé.ldig!
Op vrïjdag voorafgaond an de uutreiking van ´oonze´ Bombakkeskra.nt hebbe we èn bezuuk gebrôcht an de jury van de LVK finale ien de Dragonder. We hebbe de jury veul succes en wiesheid toegewi.nst mit hun moeilijke taak. Vervolgens zien we naor Hotel de Kroon gegaon vör de uutreiking van de Bombakkeskra.nt. As tijdelik ontslaage redacteur en hoofdredacteur waare wïj d´r zeer beniïd naor . `T resultaot mocht d´r weeze. Gewé.ldig!
Oonze receptie was gigantisch en duurde tot ver nao middernacht. Heel veul mi.nse hebbe we de hand geschud. Veul felicitaasies, kartjes, en cadeautjes hebben we ontvange. `T was gewé. ldig. Ok de recepties van de collega Prinse ien de kerkdörpe hebbe we bezocht. Altied mit ´n Joekskapel d´rbïj vör de muziekaale ondersteuning. `T was Gewé.ldig!
Fotoo´s maake vör de Limburger en de Gelderlander was èn geweldige ervaring mit zoveul Prinsen en Prinsessen uut de regio.
Ziekenbezuuk op de donderdag vör de Carnaval. Enne vermuujende, mar dankbare dag. De mèèste mi.nse stelle ´t zeer op pries dat de Prins en Prinses van Gennep èn bezuuk an hun brenge. Nao enne lange dag nog efkes ´n bezuuk gebrocht an de vergaodering van de ordecommissarisse. Ansluutend´was ien café de Typhoon ´t démasqué van ´t A.lde Wievebal. Enne Gewé. ldige dag!
Dan ´t Schôllebezuuk op vrïjdag. Um 08.00 uur was d’r ontbijt bïj oons, vör de raod van Bombakkes en die van Muuj en Zie.k. Oons Pap en Hermy hadde de breudjes gesmèèrd. Saame mit Hofkapel Muuj en Zie.k ginge we ien de huufkar naor de schôlle. Op de Piramide schôl angekomme stoond oons èn groote verrassing te waachte. Oons Inèz was helemôl vanuut K(uala) L(umpur) aovergekomme um saame mit oons Carnaval te viere.
Zaoterdagmé.n, toen wïj opstoonde en uut ‘ t raam keeke was ‘ t buute wit. ‘T had dèn naacht fli.nk gesnïjd. Gelukkig bleef de snïj nie lang ligge en brak roond de middag de zon dör. ’T wèèr is ‘t hele wiekend goe.d gebleeve. De Mé.rtzitting was èn gewé.ldig feest mit gewé.ldige artieste. Saame mit Prins Roel stoonde wïj op de bühne. Gewé.ldig um dat as Prins en Prinses enne keer mit te maake. Nao afloop hebbe we bïj Wim en Margriet lekker gegèète. Tine was efkes hur zus kwiet, mar nao èn pas tillefoontjes via Etten-Leur was oons Mar ok wer tere.cht.’s Aoves nog naor de recepsie ien Ootersom, en noa èn bezuuk an ’n kafee ien Gennep, koonde we wer enne mojje dag afsluute. Gewé.ldig!
Op zondag de groote optocht dör Gennep. Hoog vanaf de Prinsenwaage bekeeke we de boonte stoet mit moj uutgedoste mi.nse die an oons vörbïj ging. We kwaame ooge tekort. Ge hèt dan hillemôll gen tied um snoep te gooie. Nao d’n optocht was d’r ‘t groot optochtbal bïj Pica Mare. Oonze buurt die in d’n optocht vör de Prinsenwaage liep, was prachtig uutgedost mit ’t thema: ”wïj zien zö trots as èn pauw”. Enne geweldige waage en prachtige kleer. ‘T kon dan ok nie aanders dan dat zïj mit de Urste pries an de haol ginge. ‘T was enne Gewé.ldige optocht. ‘s Aoves hebbe we nog enne gezellige roondgang gemakt ien de kafees van Gennep.
Op môndag naor de Heikuul vör de aftrap van Bomballemôndag. ´N evenement dat wer leven is iengeblaoze. We zijn daor zeer gastvrïj ontvange. Jammer dat ´r wènnig publiek was. Nao de Heikuul ginge we naor ‘t Kruumelbal van de Coloradokèèvers waor ´t ´n groot feest was mit al die kiender. Saame hosse en roeje op de meziek van Cornel. Tèège de aovend zien we bij de Witte Olifant gehaktballe gaon èète en hebbe we saame mit ´n Joekskapel uit Beuninge nog ´n par kafees bezocht.
Dinsdagmé.n al wer vroeg naor Jacob en Truus vör ´n heerlijk Boere ontbijt. `N tradisie die al heel veul jaore dör Jacob en Truus vör de kemmissie Boerebrulloft verzörgd wier. ´T was´n gebruuk dat de Prins en Prinses ok aanschoove. Ien dit geval voond Tine da veulste vroeg en drääjde zich nog enne keer um. Truus had de Jägermeister al ka.lt staon. Want, ge kwaamt daor nie weg, zonder ´n glas Jägermeister gedroonke te hebbe. Enne twedde borrel kreegde nog vör enne gulde. Umdat de Jeugdboerebrulloft wèrd vervange dör ´t Tropibal, was dit´t letste onbijt dat Truus hèt verzörgd vör de kemmissie Jeugdboerebrulloft. Jacob en Truus, beda.nkt vör de gastvrïjheid ien al die jaore dat de kemmissie hèt mugge geniete van ´n Gewé. ldig ontbijt! Nao dit ontbijt zien we ien ´n stoet de Bruid en Bruidegom op gaon haole, waornao op ´t bordes van ´t Stadhuus de Bruid en Bruidegom ien ´t one.cht dör Jacob verboonde wiere. Ansluutend ien Pica Mare hebbe we èn Gewéldige Jeugdboerenbrulloft gevierd.
´s Aoves wier d´r verzameld bïj Hotel de Kroon vör de afsluuting van enne Gewé. ldige Carnaval. Saame mit alle Prinse en de femilie ginge we nog efkes op de toffel. De joekskapelle hebbe zich nog eene keer de longe uut hun lief geblaoze. Um klokslag 00.00 uur zouwwe we op de Mé.rt de Carnaval sluute, mar ´t wèèr spulde nie mit. Ien allerijl is besloote um de Carnaval van 2008 binne, op de toffel, te sluute. Mit ´n megafoon van de Kruusruukers wier de menigte nog enne keer toegespraoke. Op ´t fluitsignaal van ´t Ku.mke hebbe we de steek afgezet. ´T was gedaon. Zö goed en kwaod as ´t ging hebben we laoter nog geprobierd um de pop an te stèèke ien de stroomende rèègen, mit wènnig succes.
Nao ´n periode van ru.st en terugkiekend op enne gewé. ldige Carnaval hebbe we op de 11de van de 11de de steek wer uut ´t vet gehaold. U.rst zien we op dèn dag mit ´n delegaasie naor Mestricht gewest, um daor ´t seizoen te gaon oopene. Roond de klok van 4 uur ginge we wèr naor Gennep um op tied te zien vör de openingsmis bij d’n Dèèke. ´N moje mis in ´t Genneps dialect. Nao de mis ginge we naor de Mé.rt vör de opening van ´t nïje seizoen. Dit jaor waare d´r gen vuurpiele umdat dat vergunningtechnisch nie meugelik was. . As alternatief hebbe we 11 flesse champagne laote knalle. `T nïje seizoen kon wer beginne!
Op zaoterdag 22 november ´t Schlagerbal. As Prins mudde daor nie an mit doe.n. Tine hèt mit de A.lde Garde wel mitgedaon. De 15 deelnemers, begeleid dör de Schlagerkapel, hadde allemôl ´n gewé.ldig moj liedje. Roond middernacht was de jury d´r uut. As winnaar wier uutgeroepe de Oranje Vrollie met ´t liedje: “´t is wer Bal”. Saame mit A’mase hebbe we nog ’n gewé.ldig feest gevierd dèn aovend. De Zittingsaovend was d´r enne mit ’n go.lde rä.ndje. Artieste uut de gemeente en van ver daor buute zörgde vör ‘n afwisseld en gewé. ldig programma. As slotact had de kemmissie der Willy aus Kevelaar gecontracteerd. Hïj zörgde vör ‘ n spetterend èènd van enne Gewé.ldige aovend. Hôst iedereen stoond op de toffel.
En dan op naor ‘t Boerebal. U.rst bïj de Kroon hebbe we intern afscheid genoome van de club en de femilie as Prins en Prinses. Vervolges trokke we naor de zaol van Pica Mare vör ‘ n gezellig Boerenbal waor oons aftreeje onontkombar was. U.rst hebbe we as vereniging afscheid genoome van Arno en Karin. Nao de liedjes van de nummers 1, 2 en 3 van ’t Schlagerbal mochte we nog eene keer de toffel op. De ke.ls van Pruts liepe al mit ‘t Prinsekoffer en de cognac um oons hin. Nao ‘ n afscheidswoordje van precies 11 minuute wier ik ontdaon van mien Prinselijke attribuute en wier ik aangeklèèjd as boer. De ex-hoogheden stoonde al klaor um oons ien hun midde op te neeme.
Be.ste carnavalsvriende, Wïj hebbe ’ n Gewé.ldig Carnavalsjaor gehad. ‘N jaor um nooit mèr te vergèète! UTS, Raod van 11, Vrollie, Bestuur, Dansmarietjes, Femilie, Hofkapel Muuj en Zie.k, en verder iedereen die saame mit oons ien 2008 Carnaval hèt gevierd: “ Beda.nkt vör enne Gewé.ldige Carnaval !!”.
Ex-Prins Twan d´n Urste en ex-Prinses Tine.
Prins en Prinses van ´t Bombakkes ien 2008