't Bombakkes

Op woensdag 11 novémber öm 18.00 uur startte DJ Hans ’t örste vastelaovesliedje
ien. De örste mi.nse stonde al op de mé.rt, die wér gewéldig verlicht was. ’t
Eeuwenà.lde stadhuus op de mé.rt was tradisjioneel gekleurd ien rood, gèèl en gruu.n
en de mòtrèègen ien de vruuge aovond uurkes deerde de mín.se nie.

Ró.nd 19.11 uur trokke Prins Tom I, Prinses Kirsten en de raod van ellef de bühne op
en kreeg o.nze nïje vorzitter Jeanine ’t woord, bïj afweezigheid van Vorst Geert hiette
ze alle mí.nse wèlkom en mie.k ze nog efkes gebruuk van de meugelijkheid öm zich
zelf vör te stelle!

Naodat ’t Limburg volkslééd uut volle borst was mitgezonge dör de raod en alle
ânweezige op ’t plein, was ’t tie.d öm echt af te trappe! Saame mit kleuterprins Vays
en jeugdprinses Anna van de Coloradokevers, Prins Evert en Prinses Anja van de
Waggelaars oopende Prins Tom en Prinses Kirsten ’t nïje vastelaovendseizoen.
Zè gauw as de raod van de bühne af is, stond Sjpringlaevend al klaor om als örste
artiest te beginne. Vanuut ’t diepe zuuije brenge ze diverse bekende
vastelaovendsnummers te gehoore. Moij!

Nao Sjpringlaevend ni.mt DJ Hans ’t aover en al gauw stond Foek aus Holland al
klaor. Diverse féésnummers en alom bèkénde Pruuse schlaogers zörgde vör ’n echte
Bombe Stimmung.

John Tana
Vanaaf ‘t örste mòment dat ons eiges Maastrichts-Marseillse kulthe.ld in zien strakke
witte maotpak en mit zienne ónafscheidelïjke pilotezonnebril de bühne op stàpte, wier
d’r flink op de kist gehowwe. Mit zien onweerstaonbare mix van Franse sjansons,
bourgondische humór en rauwe Maastrichtois-tékste wist John Tana de mí.nse
binnen een paor seconde volledig ien te pakke.

En toen waore de Nachtvlinders als lè.ste artiest ân de beurt. Poah wat ’n knalféést,
volume op standje 11 en gaon! Beestige afsluuter en zeker vör de jeugd een moije
afsluuting van de aovond, de jeugd hèd de toekomst!

’n Geweldig mojje aovend, ’t belaoft wér ’n prachtig seizoen te gaon worre. Op naor
GAON as. zaoterdag ien de feesttent ien Heije!

In de leeftijd van 89 jaar is op woensdag 4 november Stien de Jong – Spikmans overleden.

Stien was prinses in 1996 toen haar man, Gerrit de Jong, prins was. Wij wensen haar dierbaren veel sterkte toe.

Tradisiegetrouw kömt ’t Bombakkes saame mit de Senaat en Ex-Hoogheden op de derde dinsdag van september op Prinsjesdag. Zo ôk dit jaor.

D’r was dit jaor een bescheide opkomst. O.nze nïje vörzitter oopende de aovend ien Villa Hotel de Kroon mit de “troonrede”. Ze gaf haar blik op ’t Bombakkes, de Génnepse vastelaovend en de bevindinge ien hur örste maonde bïj ’t Bombakkes.

Nao de troonrede ginge we ien gruupkes uutèn öm te brainstrome ôvver de 11 punte van ’t Bombakkes en hoe de leeje van de Senaat en Ex-Hooghedenclup hier naor kieke. Zien deez punte nog actueel en passen ze nog bïj o.ns. Doe.n wïj dit goe.d of is d’r ruumte vör verbetering. Dit leeverde mojje gesprekken en ienzichte op.

Daornao hebbe we nog lekker naogewauweld mitèn. Al mit al ’n gezellige en zinvolle aovend.

🎉 Goe.d nïjs, allemaol! 🎉

Maniefest IV gét asnog dör! Zét zaoterdag 12 september 15.30uur mar vés mit dikke létters ien d’n agénda. 📅✅

We verhuuze naor ’n prachtige nijje buutelokaasie: d’n hof van 4Events 🌳🍹. Daor gaon we saame geniete van enne heerleke naozómmerse middag én aovond ân de Niers. Verwa.cht en gezéllige féstivalsfeer, lékkere drankjes 🍻🍸, heerleke foodtruckgere.chte 🍔🌮 én natuurlek de èggeste gewèldige live-optreejes 🎶🎤.

Dankzïj de enorme ienzet van betrokke partners, artieste én leveranciers hèbbe we dit asnog meugelek kunne maake. Daar zien we ontzéttend blïj mit! 🙏

🎟️ Hédde al een ticket? Dan ziede uuteraard van harte wélkom op d’n nïjje datum. Binnekort kriede pér e-mail en nïj ticket. Vraoge? mark@bombakkes.nl.

🎟️ Nog gén ticket? Scoor d’r dan gaw enne via: https://events.flextickets.nl/event/maniefest-2026

Let op: dör de intieme nïjje lokaasie is het ântal beschikbaare tickets beperkt.

We kie.ke d’r enorm naor uut om óllie op 12 september te zie.n. Saame maake we d’r ’t gezélligste naozómmerfeest van Génnep van! ☀️🎶🍻

Wies dan!

Team Maniefest IV ❤️🎉

Afgeloope vrijdagaovend, op de derde vrijdag van juni, was traditiegetrouw de jaorvergadering van ’t Bombakkes. Dit jaor ien d’n Hof bïj Prins Tom en Prinses Kirsten, de zon was werm en de drank was ka.ld. De vrollie en kèls van ’t Bombakkes druppelde binne en was kôste öm 20.11 uur beginne mit de jaorvergadering. Toen nog vörzitter Marco hiette iedereen van harte welkom. Zoas ieder jaor hielde de penningmèèster Tijs en sikretaris Guus hun verhaal aover afgeloope jaor. De ene aover ’t geld en de ander aover alles wat we gedaon en mitgemakt hebbe. En Guus deelde ’t jaorverslag uut ân alle leeje.

Mar ’n belangriek moment op dizze aovend was de aoverdracht van de vörzittershamer. Marco (Seelen) het besloote öm nao 13 jaor as vörzitter te stoppe. Mar o.nze nïje vörzitter hadde wïj al een tiedje geleeje gevonde: Jeanine (Petronilia). Mar afgeloope vrijdag wier ’t offisjeel! Vördet zo de vörzittershamer kôs aoveneeme, mos Jeanine örst geienstalleerd worre as raodslid. Ze het van Marco alles gekreege wat neudig is öm raodslid te zien. En zelfs ’n bietje tèège de regels ien ôk al de steek opgezet, mar hier maake wïj bïj de ienstallatie van raodsleeje altied ’n uutzondering vör.

Wïj zien blij dat Jeanine de rol van vörzitter op zich wil neeme en wense hur veul plezier binnen ’t Bombakkes!

Één van hur örste taake as vörzitter was de agenda aover te neeme en ’t volgende punt was ’t afscheid van de Marco’s. Beide zien ze ien 2013 bïj ’t Bombakkes gekoome en neeme nów tèggeliek afscheid van de club.

Wïj wille Marco, Monique en Marco en Mol bedanken vör hun jaore en ienzet bïj ’t Bombakkes. Mar wïj zien nie bang dat we mekaor nie meer zulle tègekômme mit de vastelaovend.

Dus wïj zegge bedankt en tot ziens!