Op d´n ellefde van d´n ellefde GAON! wïj van start mit D’n Aftrap! Want de vastelaovend stét alwér vör de deur.
Ien Gennep oopene wïj (ienmiddels tradisjioneel) de vastelaovend officieel mit D’n Aftrap. Het is een aovend die ’t Bombakkes saame mit Hotel de Kroon en café de Typhoon organiziert. Ien dizze donkere daag vördet de winter echt gèt beginne brenge we saame mit de Gennepse vastelaovesgekke nog wat kleur op de mé.rt. öm vör stimmung te zörge hebbe wïj ’n programma vol mit Limburgse artieste saamegesteld.
Zo kômme Rempetemp hun winnende vastelaoveshit van 2025 “Verrèktes gooje zin” ten gehoore brenge. Mar wïj hebbe nog meer a.ld winnaars van ’t LVK op de bühne staon: Pruuf Mar en W-Dreej. Patrick Henricks en DJ Hans maake ’t programma compleet.
’t Plein zal vanaf 18.00 oope zien. öm 19.11u zal de offisjeele oopening plétsviende.
Op zaoterdag 15 novémber zal op de Milsbèk de feesttent van GAON! opgezet worre. GAON! is de offisjeele oopening van de carnaval ien de geminte Gennep, dit organiziere wïj saame mit de carnavalsverenigingen op de afbeelding hier baove.
D’n aovend zal öm 20.00 uur van start GAON! Er is ’n moj programma mit verschillende meziek saamegesteld.
Ien de lèèftied van 86 jaor is op donderdag 16 oktober Annie Wevers-Guelen overleeje. Annie was méér dan een ex-prinses. Straolend sto.nd ze nèève heure mins, Prins Denie I. Hïj was de urste prins dén bïj Hotel de Kroon uutkwam, én zïj was d’r bïj, ien 1979. Uutbundig hébbe ze dizze periode belèèfd.
En daornao hét zïj zich mit veul energie iengezet vör ‘t Bombakkes, vör de Ex Hoogheden en daornao ôk nog vör de ex-prinsesse. Kleding maake vör “heur meidjes” van de dansgardes, mar ôk de kiele van de Ex Hoogheden. Die wierre geleeverd mít wasvörschrift, want de kiele mosse wél netjes blieve. Achter de nääjmasjien was Annie ien d’r element. Vanwege heur verdienste vör de Ex-Hooghedenklup is ze ‘n par jaor geleeje benoemd tot: Freule van Naold tot Draod. Énne titel die ze mit veul vreugde en vol trots droeg. Toen de ex-prinsésse zich begonne te vereenige had zïj nóg ‘n groep waor ze mit veul pleźier ân deelnam. Naodat bïj ‘t onvolpreeze Lallebal de groep van ex prinsésse énne beker won, mocht zïj die ien ontvangst neeme én tuus nérzétte. De trofee wier iedere wèèk keurig afgestöfd.
Saame mit inkele andere ex prinsésse deej ze nog dûk kaorte. Daor zal ôk mit eenige regelmaat ‘t wél en wee ien carnavalsland besprooke zien.
Wïj winse de femilie veul sterkte mit ‘t verlies van dees markante vrôw, en zien dankbaar vör wat Annie vör de klup betèèkend hét..
Afgeloope donderdag kreege wïj ’t droevige bericht dat Ex-Prinsés Will van Abel is óvverleeje. Ze was 87 jaor.
Ien 1980 sto.nd zïj as Prinsés èn de zïj van hurre Prins Gé. Gé was toen al un èntal jaore vorst van ’t Bombakkes gewést, mar Will vond a.ltied dat ’t Prinsejaor alles ovvertrof. Ien dat jaor wier ôk un nïjje tradiesie gebaore: Op d’n dag van ’t schôllebezuu.k wier d’r tusse de middag bïj Will en Gé geluncht. Dat hét Will, ôk nao ’t ovverlïjje van Gé, mar liefst 10 jaor verzörgd. Wïj wi.nse de familie heel veul sterkte en zien dankbaar vör wat Will vör de klup betèèkend hèt.
Op de vroege zondagmérge van 20 juli, kreege we ’t droevige nï.js dat Hans Teunesen (ex-Prins Hans d’n Twedde, 1981) na ’n oneerlijke strijd is iengeslaope. Hans was lid van de raod van 11 sinds ‘74 alias “d’n Buuk” en ien ‘81 was ‘t sààme mit zien Prinses Tiny als Prins Hans d’n Twedde ’n fantastisch vastelaovendjaor. Ze blèève bij ’t Koninklukke Bombakkes tot ‘87. Was duk adjudant en beheerde ôk de pruufkas, en zörgde dat d’r a.ltied ’n batig saldo haj vör ’t jaorlukse reisje. Hans was ’n trouw lid van de Ex-Hooghedenklup, a.ltied present. Genoot volop van de fietstocht, duk mitgedaon mit de zittingen, bïj jubilea ien zien vaste rol van de bierländerpolkapoepe speulde hij dan d’n grote bas mit grote oren, ziene tekst was 1 regel: en ik speul de bas! Mit ‘t slagersbal kos ie goed playbacken zei ie dan gekscherend, en stond bescheiden als ie was ’n bietje achter ân, zong mit de Ex-hoogheden mit en mit ‘t Tante Dien klupke en deed jaore lang mit bïj de groteBombakkes optocht. Legendarisch en humoristisch gingen ze ’n keer verkleed mit ènne buuk en als ’n bok en ‘n kat dor de optocht. Mit de tekst : D’n buuk, d’n Bok en d’n Kat, zörge vör de grint en ‘t zand uut elk gat. Hans was bïj veule klupkes, en gezelligheid sto.nd vörop, zie.n jeugdvrienden van vroeger “club 13”, de manne van ’t Mètje, de Zaoterdag Vijfuurklup bij de “A.lde Koy”, Die Hommersom Verein bij Regi aover de grens. De Boy’s van “de Kwatsclub” op de lètste vrijdag, vroeger als bestuurslid van motorcrossclub Limburgia ‘65 op hun terrein ien de Looi, en croste zelf nog èntal jaore mit. ’t Monument Lok ’94 mit de werkgroep kreeg veul sympathie, mede dankzij Hans stét ie te pronke ân de Brabantweg. Mar ok de prachtige Pleinfeesten van Gennep konden op hum rèkene. We vergèète vast hèèl veul, en hèèl veul wèète we gaar nie. Saame mit zien bruurs bouwde hïj ’t bedrijf van zien vaoder uut tot ’n internationaal prachtig bedrijf, toonaangevend ien de leveringen van zand & grind. Hans was en bleef zeer bescheiden en Gennep zat ien zien Hart, als men ‘n beroep op um deed was dat nooit te tevergeefs en a.ltied mit ènne stille hint, zeg mar niks, ha.ld mar stil, ’t is al goed, dat sierde hum enorm, nooit mit énne hoop poeha, en echt ’n mi.nse mi.ns. Hans kon genieten als andere genoten, en nooit ’t grootste woord, mar als ie wat zei, dan was ’t raak, genoot dan mit volle lach van de reacties mar wilde ôk wel gèr alles weten wat d’r zich zo afspeulde binne de klup en ien ‘t Gennepse.
Bïj ’t Broederschap sloeg ie gènne activiteit aover, Hans we gaon ôw enorm misse! Hans, heel veul dank vör al die mojje jaore, al die gezelligheid, en vöral ów goede vriendschap.
Wïj wi.nse Tiny en familie heel veul sterkte mit dit grote verlies. Namens ‘t Broederschap Ex-Hoogheden Klup ‘70 ’t Bombakkes. Vastelaovend klup ’t Bombakkes.
