't Bombakkes

Op zaoterdag 16 novémber was Gennep ’t middelpunt van de vastelaovend ien de gemènte Gennep.

Saame mit de carnavalsclubs uut de ömliggende dörpen organiseere wïj dit evenement. Öm acht uur verzamelde alle raode van ellef uut de gemènte Gennep zich ien de feesttent op ’t Jan Lindersplein. Onder het genot van de hits van DJ Hans kömt iedereen langzaam ien de stemming vör de feestaovend. Zuutjes èn stomt de feesttent vol mit vastelaovendvierders uut de ganze gemènte, jong en a.ld zien d’rbïj en wille dit mitmaake.

Öm half negen oopene vorst Theike (Maskotters) en Bart (Diepenkikkers) de aovend en de prinse gaon de bühne op. O.nze burgervaoder Hans Teunissen mug d’n aovend oopene waarnao de prinse flink op de kist houwe. Ze hebbe d’r zin ien net as ’t publiek!

Limburgse feestband Nachtwaerk start mit hun örste set. Ze speule de bekende Limburgse liedjes. Ze speule meerdere sets op dizze aovend. ’t Publiek zingt alle nummer moj mit.

Daorna is ’t tied vör ’t Feestteam, dizze twee nachtegaoltjes zette de tent op zien kop, ’t dak get d’raf. Mit al hun parodieën op bekende nummers mit feestelijke beats d’ronder zakt en springt ’t publiek en gaon de shirts uut öm mit te zwaoie. Nao ’t feestteam mug DJ Hans zien kunsten op de ‘wheels of steel’ vertonen, hit nao hit vör jong en a.ld.

Op ’t ènd van d’n aovend hebbe we nog ’n knallend toetje, DJ Duo de Nachtvlinders kômme de bühne op! Mit Limburgse hits waor ze remixen van maake gaon we mit zien allen springen, stampen en lallen. Er volge bubbeling-, hardstyle- en sjoenkelliedjes. Ze kriege de mènse zelfs nog ien de polnaise. Letterlijk ’n knallend ènd van dizze geweldige aovend.

Al mit al was ’t ôk dit jaor wèr ’n geweldige editie van GAON en dat ien o.ns èège Gennep! Volgend jaor is GAON urgend anders ien de gemènte.

Op d’n 11e van d’n 11e was de tradisjoneele oopening van de vastelaovend ien Gennep. We trapte ’t nïje seizoen af mit D’n Aftrap op de Mé.rt.

De weergoden waare o.ns nie gunstig gestemd, dör kwaame geregeld druppels uut de lucht valle. Dit kos de pret echter niet drukke want de Mé.rt stond bomvol mit vastelaovesgekke uut Gennep en omgèèving. Ze hadde allemôl hun mojste pekske ângetrokke en de mèèste hân ôk mojje lempkes d’rien verwerkt. Dit zörgt geliek vör sfeer en vör mojje plötjes.

Öm 19.11u ging de raod van 11, onder leiding van Vorst Geert, de bühne op. Naodat we ’t volkslied mit iedereen op ’t plein luidkeels gezonge hân wier ’t tied öm de steeke wèr op te zette gevolgd dör d’n Aftrap en het feest kos toen ôk direct knallend van start gaon! Niet veul lâtter beklomme Bjorn en Mieke ’t podium en zonge zij hit nao hit. Ge kos wel merke dat de mènse op de Mé.rt d’r zin ien hadde want ’t was meteen feest.

Van Lieshout en Arts kwaame as twèdde de bühn op. Mit hun uutgebreidde repertoire, 2 liedjes, lukte het ze toch öm iedereen mit te laote doe.n. Ze hadde ten slotte ôk de vastelaoveshit van 2024 gemakt. Die kon dus ôk wel dukker en ien andere versie gespeuld worre.

As derde kwam Eric Cruts mit veul energie ’t podium op, zien energie kos hij moj aover brenge op ’t publiek dat nie stil kon staon. En als lètste artiest was daor Big Benny, dit tèggewoordig toch iets minder Big is. Hïj was al ’n ântal jaor nie mèr ien Gennep gewèst, mar ’t publiek kende zien hits nog en ôk dit was een knallende optreeje.

Wïj zien blij dat we ôk dit jaor wèr mit zoveul mènse de vastelaovend ien o.ns mojje Gennep hebbe afgetrapt. Iedereen bedankt en haopeluk zien we mekaor as. zaoterdag bïj GAON! ien de feesttent op ’t Jan Lindersplein.

Op maondag 8 April bereikte ó.ns ´t droevig bericht dat ‘n echte vastelaovendsman en bekende Génnepenaar. Paul Wessels is iengeslaope.

Hïj haj nie allènnig ’n groot hart vör de politiek maar zeer zeker ôk vör de Génnepse vastelaovend. Jaore lang was hïj lid en vörzitter van de jury vör de karnavalsoptocht en veule maole ien de slagerbalsjury waor fantastiesche Génnepse liedjes uutgebrocht zie.n.

Paul was ôk de grote spil tussen de vastelaovendklups ien de gemi.nte op ’t gemi.ntehuus, menig keer lobbyde hïj vör ’t belang van de vastelaovend. D’r was gén receptie van ’n prins van de jeugdColaradokévers, ’t Bombakkes, en de Waggelaars, of jubileum van ’n klup die hïj aover sloeg. Bïj menig zittingen wier ie a.ltied wel iefkes politiek op de hak genoome mar nam dat a.ltied breed lachend en sportief op.

Als wethouder zurgde ie ‘n keer karnavalsdinsdag al um 06.00 uur de hele mé.rge de route vör de jeugdboerebrulof schön geschove wier van snèj zôdat de pèèrdekoetsen toch kosse komme. Ôk haj ie ´n belangrieke rol ien de sleuteluutreiking en ontvangst um dat allemôl wa meer smoel en cachet te gééve.

Paul stòònd vör.én als ’t um de jeugd ging. ’t Méeste werk van hum was nie zichtbaar maar deed ’n enorme bijdraage ien Limburg vör ‘t behoud van onze vastelaovends cultuur.

Hïj organisierde vör de Senaat ôk ’t jaorluks uutstapje naor den Haag waor we ’n prachtige rondleiding kregen ien en dör ’t binnehof mit o.a. de örste kamer. Paul was nie vör niks al jaore trug benoemd tot ridder van ’t Bombakkes en sloeg gén vergadering of activiteit aover van de Senaat. ‘t beeld van Paul op de fiets mit zien fiets-tasse dör Génnep zal ò.ns nog lang bïjblie.ve en we zulle hum als zeer gewaardeerd lid enorm gaon misse. Wïj wi.nse de familie heel veul sterkte.

Paul ’n lètste groet, rust zacht.

Namens:

Vastelaovend klup ’t Bombakkes.

De Ex-Hoogheden klup ’70.

De Senaat van ’t Bombakkes.

Kiek snel of dat ge pries het! De priezen zien op te haole bïj de De Lange Tafel: Markt 14 te Gennep.