Wat èn gewé.ldig jaor is het vör ons gewèst. Het begos op 22 dizzember 2009, toen ik wier gebeld dör Gilbert van der Mooren. Of ik prins van Bombakkes wilden worre, zónder d’r wier ovver nao te dinke zè.j ik geliek ja. En dan zien d’r nog 4 spannende wèèke tot ân ’t prinsebal te gaon. En dan is het eindelijk 23 jannewaori. Ien de middag waren wïj nog bè.st gespanne. Mar eenmâl o.nderwèèg naor Pica Mare ware wïj d’r helemôl klaor vör. Toen ik o. nder ‘t ding uutkwam en mitèn op de bühne stonden as prinsenpaar was d’r gaot gèn spanning mèr. Wat was de zaol mit al die minse enthousiast, super gewé.ldig.. Onze vrienden die ôk ien de zaol waren gingen helemâl uut hun dak, want dit hân ze totaal nie ân zien komme. En al die minsen die ow komme felisitere. Ôk de minse die toen ze het hörde spesial nog naor de zaol kwamen was e.cht kei moïj. We hebben d’r nog èn flink feestje van gemakt die aovend.
’s A.nderendaags was ‘t openhuus, hèèl de hut wier èkkes lèèg gehâld. Wïj kwamen terug van Milsbèk en toen was ons huus ien en mum van tied bomvol, ongeleufelijk hoeveel minsen d’r binnen waren. Nao ’t open huus zien wïj nog naor de Colorado Kèvers gewèst bïj de kersverse Prins Teun en Kleuterprins Toon.
‘s Môndags nao het openhuis kwam o.ns team, de Kruuperd mit Monique, de Spieker mit Marleen, de Kletskop en Linda, en öm èn eugske ien ‘t zeil te halde was ôk Groot Vorst de Kiep d’rbïj öm o.ns te assisteren, want d’r was en hoop we.rk ân de winkel. D’r mos èn hèèl draaïjboek en programma ienèn gezet worre. As ge dinkt da doe’k wel èkkes komde van èn ka.lde kermis tuus. Ik zie diejen dag ôk nog naor Verhasselt gewèst öm mien rokkostuum te passen en daornao nog medailjes uut weze zuuke. ’s Aovends zien nog bïj de Waggelaars gewèst öm Prins Wiely te verwelkomen.
Op vrïjdag 5 fibbrewaorie was de kra.ntuutreiking ien de Mouter. Dit was èn hele mojje aovend, hèèl apart as ge dan as Prins op de vörpagina stôt. Daags daonao mosse wïj urst naor Nimwèège en Venraij öm foto’s vör de kra.nte te maake. Wat èn hoop prinsen waare daor bijèn. En ’s aovends was ’t dan onze ègge resepsie: ien een woord gewé. ldig, zôveul minse, kado’s en mojje woorden.
De môndag d’rop waare wïj mit ’t team op uutnödiging van Paul Wessels te g.ast op ’t Gouvernement ien Maastricht. Dat was èn super mojje ervaring. Toen wïj terug gingen vanuut Maastricht zien wïj nog èkkes ien Oótersum bïj de Pub gestopt öm Emma te verasse op de Bonte Aovend van de schôl.
Woensdagaovend kwamen wïj nog èkkes bïjèn öm alles nog èfkes dör te nèème. Donderdag gingen wïj op ziekenbezoek, as urste was de Sint Maartensschôl ân de beurt, darnao het Sint Maartenskliniek en het Radboutziekehuus. Tussen de middag gingen wïj bij de Klètskop zoe.rvlè.js èten. Hiernao gingen wïj naor Madeleine en het Maasziekenhuis ien Bóksmèèr. Het was ènnne zwaore mar ènne erg mojje dag, de minse waren zö dankbaar dat wïj op bezuu.k kwame wat veul voldoening gaf. ’s Avonds was het a.ldewie. vebal mar het leek wel kattebal, veel waren er verkleejd as KAT.
Vrïjdag was het schôllebezuuk; urst mit zien alle ontbijte en toen mit d’n huufkar naor de schôlle. Wat enorm leuk öm al die blaage zö enthousiast te zien as ge as prins en prinses binnenkomt. Darnao zien wïj nog mit èn klein gezelschap bj Toon en Erna Franken gewèst. ’s Aovends richting stadhuus vör de lèste keer sleutelovverdracht (tenminste da dochten wïj). Alle prinsen uut de geminte Génnep krèège hier de sleutel ovverhandigd zödat zïj de regie ien handen krèège ien plèts van de burgemèèster. Darnao hebben wïj mit de Wortelpinnen ien de Mouter nog en moj feestje gebouwd.
Zaoterdag was het wèr een hoogtepunt van de Génnepse vastelaovend namelijk de Mértzitting. Wat is het dan moj öm te zien hoeveul minse d’r zien as ge op podium stèt, en hoe moj ze allemôl verkleejd zien. Er was die’n middag ôk nog hoog bezuuk, er waren wat bestuurslèèje van ‘t SLV. Zondagmé.n urst èkkes naor de prinsewagen mit koffie en wa lekkers zödat wïj goed an d’n optocht kosse beginnen. Vördat d’n optocht begos zien wïj de Wööles gôn verassen want dèn wier die dag 50. Ôk nog èfkes mit de buurt op de foto en darnao richting de prinsewagen. Wat gewé.ldig öm van boave af te kieken naor alles wat vörbïj kömt ien d’n optocht. Dan gaan wïj dör de straate van Génnep waor veul minse ân de ka.nt stôn richting Pica Mare vör de prijs-uitreiking en te feesten. ’s Aovends verschillende kroege ien öm daor èn feestje te bouwen.
Môndagmiddag krumelbal was ôk ène leuke middag, vöral öm de allerklènste vastelaovendvierders te zien hossen en springen. Van daoruut gingen wïj naor ‘t stampottenbal bïj de Dragonder, tussendör ôk bïj de Mouter gewèst want daor was ‘t jubileum van Nève d’n Diepvries. Ien de Dragonder hebben wïj tot ien de laote uurkes nog en moj feestje gebouwd. Dinsdag vroeg uut de vèère, urst een boerekoffietofffel bïj de Kroon darnao de kienderoptocht. De blaa.ge hân wèr hee.l goe.d hun bést gedaon. Ângekomme bïj Pica Mare was er het Tropibal. Ik docht d’k wel o.nder die stok dör kos kruupe, helaas zie ik niet mèr zö lenig as die blaa.ge dus scheurde ik uut miene bóks. Saame mit Maria zie’k gauw naor hör huus gegaon en hèt zïj miene bóks wèr ienèn gezet. Toen was het avond dus met zien allen naor de Kroon waor wïj mit de a.ndere prinsen uut Génnep nog op de grote toffel hebben gesprongen. En dan is het zöver, mit zien allen naar buute richting bordes öm de vastelaovend af te sluute. Ömdat ‘t vör Theo de Kiep ôk ziene lètste optrèèje was as Vorst was ‘t wel spèsjaal vöral het afsluutende lied mit de foto’s.
Op aswoensdag is het vörbïj, ‘s aovends nog èfkes naor de kerk en herringschille bïj de Kroon. Dan dinkte da ge efkes bïj kunt komme van alle iendrukke en dat er 8 mônd niets op het programma stèt mar dan hèdde ‘t moj mis. Één van de högtepunten is o.nder a.ndere ‘t Bombakkes uitje wa ge saame mit ‘t team organiseert. Een gewé.ldige dag. Dan begint het wèr te kriebele. Op 11e van de 11e mit een bus vol vastelaovendgekken naor Maastricht, o.nderweg nog ènne klapba.nd mar dat mocht de pret niet drukken. ‘s Aovends naor de kerk en naor ‘t Stadhuus waor de steken wèr op mochten.
Ömdat wïj nu aspirant lid zien van het SLV wieren wïj genööjd vör de Gulden Humor in Weert. Daor zien wïj as prinsenpaar saame mit Vorst Maarten, Birgit en de Burgemèèster ‘s middags al naor toe gegaon. ‘s Aovends kwam de rest van de raod en bestuur en hebben wïj daor lekker gefeest op o.a. Beppie Kraft en W-Dreej. Op 12 december was de zittingsaovend van ‘t Bombakkes een leuke aovend mit veul hoogte punten. Drie vrollie uut de raod gaven een super optrèèje weg. Tussen Kerst en Nïjjaor was ‘t èkkes rustig, mar op 1 jannewaori was ’t ka.lde moment daor, want dan springen wïj mit zien alle in de Niers… brrr.
22 Jannewaori was de lètste dag van mien regeerperiode. Ust de boerekoffietôffel vörafgônd ân ’t boerebal. Daor kregen wïj de gelegenheid öm iedereen te bedanken die o. ns èn onvergèètelijk moj jaor hebben bezörgd. ‘s Aovends vör ’t lètst as Prins van ’t Bombakkes nog èn keer springen en toen wier ik van prins een boer. En dat was e.cht het einde. Hierbij willen wïj ‘t team, Bombakkes, familie, vrienden en alle vasteloavend vierders ien Génnep en ömstrèèke bedanken vör èn fantastisch prinsenjaor.
Het hèt d’r gekröld en het zal d’r blieven kröllen!!!
Ex prins Alfred de Urste en ex prinses Ellen