Wat een jaor…..vanaf ‘t geheel onverwaachte tillefoontje van de vörzitter tot en mit ‘t boerebal,‘t was één groot avontuur. Dat tillefoontje óp 26 oktober 2024 veraanderde ‘n deel van oons lèève, we zojje énkómmend prins en prinses worre. Wat hebbe we veul gewandeld en saame gefantasierd in d’n tied dat we saame‘n geheim hadde. En da duurde en da duurde… Wél ien de tussentied ‘n hèpke mugge èète mit‘t bestuur um alle aktes te ondertèèkene, ennen aovond op pad um t pak te pa.sse en natuurlik fotoos maake bïj Beppie! En daor op 18 jannewaorie was eindelik ’t prinsenbal en mochte we oóns bekendmaake, en da deeje we!
Wát n feest was t en wat zien we goe.d ontvange, buute onze vrollie en a.lders, kwaame ok alle vriende en buure rap nôr de zaol toe um dit feesje mit te viere. En daornao ging ‘t ien ‘n stroomversnelling…
De hut wier lèèg gehaold en de buurt versierd vur oons oope huus en ook daor was iedereen present,zô fijn um zoveul lieve mi.nse um oons hin te hebbe. Nao de neudige fillisietaasies, muziekspéktaakel van de joekse en de speech van vörzitter Marco, moste wïj alwer dör naor ‘tjeugdprinsebal, want we waare natuurlik benï.jd wie d’r nèvve oons kwaame te staon mit de carnavalsdaag. 2 prachtige jónge, jeugdprins Faber en kleuterprins Milan, gewéldig. En asof t nog niet moj genoeg was, kwam prins Raymond met zien Renate uut op ‘t Waggelaarsbal, dit zojje ‘n par prachtige wèèke worre mit dees prinse ien Gennep!
Enne mi.ns kan ‘t druk hebbe, mar enne prins hèt ‘t nog veul drukker… De wèèke die vollegde zaate vol mit gewéldige avontuure; we hebbe natuurlik alle resepsies gehad van de umliggende dö.rpe, de Coloradokèèvers en de Waggelaars, oonze èège resepsie, wat één van de högtepunte was (wát ‘n mi.nse en wát zien we verwèènd), De krantuutreiking, bezuuk an Norbertus, staasiefotoo vör de Gelderlander, de zittingsaovend, nôr Maastricht nôr t Knoevelemint, en natuurlik ok ‘t bezuuk an de dansgardes tot joekskapélle en zie.kebezuuk tot reu.ndje Gennep
mit alle plichtpleeginge. En dan mos de carnaval zelf nog beginne!
En ok dat waare daage um noojt te vergèète; ‘t begos op de donderdag mit ‘t zie.kebezuuk, bezuuk an DIA, ‘t Rijssenbeekhuus en ‘t Elzendaalcollege. Tussedör genoote we van ‘n heerlijke lunsj bïj ex prins Mark Salden. óp de vrïjdag begos d’n dag mit ‘n ontbijt ien ‘t paleis um vervolges mit 2 huufkarre nôr ‘t schôllebezuuk te gaon. De sleutelaoverdracht óp ‘t stadhuus en de afsluuting bïj de Dragonder makte wèr enne moje dag vol.
En dan, jawel, de Mé.rtzitting, wat is da toch ieder jaor ‘n feesje um naartoe te gaon, en zeeker as ge prins en prinses ziet, da gèft net da bitje extra. We hebbe genoote van alle optreejes,muziek van oonze DJ Hans en alle sfeer en gezelligheid op de pleine.
Op zondag mochte we de prinsewaage op, ‘t was enne moje zonnige dag (dus oonze uitgedèèlde zonnebrille kwaame goe.d van pas), wát ‘n mi.nsenmassa nèvve de route en ok wèr ‘n fantasties feest. Zeeker de afsluuter dit jaor op de Mè-.rt viel bïj iedere feestvierder goe.d in de smaak! Op môndag de kienderoptocht, Jeu’s kruumelbal en daorna nôr de Kroon vur de resepsie van de Ex hoogheede, wèr zönne dag mit ‘n go.lde rè.ndje, ‘t hield mar niet op… O jawel, want dan ister de dinsdag, waor we mit de Coloradokèèvers en Waggelaars saame kwaame bïj de Mouter um nao n klein feestje daor (en goe.d gevulde buuke dör de frietwaage), saame ien ene stoet nôr de Kroon te gaon vur de lètsee par uurrekes.
En dan is ‘t 00.00 en kumt ‘r ‘n èè.nd an enne gewéldige, zeer spesjaale carnaval. Mit de popverbranding zien de neudige traone gelaote, mar ok dat heurt d’rbïj. Mar dan is het toch nog nie hillemôl vurbïj, want prinsenpaar da ziede ‘t hele jaor… Ien de zómmer hadde we ‘n bestuursBBQ um nao te praten ovver de carnaval, hadde we de jaorvergaadering bïj oons in de tuin, waor we afscheid naame van i.nkele raodsleeje en welkom hiette an nïjje ánwas. We ginge mit ‘t senaat nog een dagje op pad en daornao werrekte we alwèr langzaam nôr oonze lètste periode toe.
En dan is het 11-11 en oopene we saame ‘t seizoen, op ‘n gezellige bomvolle Mé.rt. ‘N par daage látter is Gaon, t gezaamenlik oopeningsbal, dit jaor óp de Milsbèk. En op 29 nov zien we mit ‘t bestuur nô Remu.nd gewèst, waor Big Bennie de Go.lde Narrekap ien ontvangt moch neeme, ien d’n aovend kwam de rest van de raod mit de vrollie ok ien de grote feeste.nt en wier ‘t enne gewéldige aovend. Daornao moch d’r op 1 jannewaorie alleen nog gespronge worre ien de ka.lde Niers en dan is écht d’n tied daor… ‘T boerebal waor we afscheid naame van ons gewéldig moje jaor en we oons voegde bïj de raod van Bombakkes, wèr ‘n nïj tiedperk, vast wèr vol mit moje en spesjaale momente! We kunne d’r nog uure ovver vertelle, mar we wille niet teveul verklappe an de nïje hoogheid, hïj mug ‘t zellf gôn ervaare en belèève…

’t hèt er ummundig gekröld!

Ex-prins Carlo en
ex-prinses Kim