Ömdét ’t hôs Halfva.ste is, is dit en mój mome.nt öm nog ’s mit veul plezier trug te kie.ke op Vastelaovend 2018, onder heerschappij van Prins Stef d’n Örste:
Gelukkig hébbe we de foto’s nog!
Wat hébbe we mit zien alle toch wér enne gewéldige vastelaovend belèèfd. ’t Eene högtepu.nt volgde op ’t a.ndere. Names Prins Stef en Prinsés Dyantha wille wïj dan ôk iedereen beda.nke die ân dit prachtige feest hét bïjgedrage. ’t Hét d’r gekrö.ld en ’t zal d’r a.ltied blie.ve krölle!!!
We zitte nów ien de fase van ’t naogeniete en gelukkig hébbe we daorbïj de foto’s nog. Mit da.nk ân ’t Plékplötje, Mireille en d’n Haon.
no images were found
Bombakkeskra.nt nie gekreege?
Hédde de Bombakkeskra.nt (ôk) nie ien de bus gehad? Gén nood: ge ku.nt ‘m hier helemaol digitaol naor o.nder laoje. Wilde ‘m toch liever op pepier, ren dan gáw naor Jan Linders of Albert Heijn, daor is nog en beperkt ental gratis af te haole!
Prins Stef kömt op bezuu.k
Prins Stef d’n Örste, zien prinses Dyantha en adjudanten zien op donderdag 8 fibbrewaorie op pad öm bezuukskes af te legge bïj iedereen die de vastelaovend en wé.rm hart toedraagt mar nie ien staot is öm ’t mit te maa.ke ien verba.nd mit ziekte of wat dan ôk.
Ien verba.nd mit de praivesie regels kunnen we nie onángekondigd mér ánkloppe bïj de ziekehuu.s en de verzörgingshuu.s.
As ge het op pries ste.lt dat de Prins mit zien gevolg ekkes op bezuu.k kömt, thuus of waor dan ôk, bel dan ekkes mit o.nze Schorriemorriemèèster Jos Rikken 06-51 28 54 73 of mail ekkes naor jos@bombakkes.nl .
Geslaagde zittinge “Gennep o.nder mekaor”
We kie.ke trug op twee mójje uutvoeringe van o.ns zitting “Gennep o.nder mekaor”. Mit ’t thema “En reis dör Limburg” wiere de bezoekers zaoterdagaovend en zondagmiddag mitgenome langs de mójje plékskes van o.ns provincie en kwaame daorbïj ien ’t verleede, ien ’t nów én ien de toekomst tere.cht. Veul muziek, da.ns, humorvolle sketches en hilarische buuts kreeg ’t publiek vörgeschotteld. De daverende eind-act van “Genneps Gemikste” was allebei de daag enne waordige afsluuter van de geslaagde zittinge.
Gelukkig hébbe we de foto’s nog: Zaoterdag en Zondag. Mit da.nk ân ’t Plekplötje en Mireille.
