Beide dezelfde naam, beide begonne ien ’t zelfde jaor, beide dus net zo lang bïj de raod van ellef. Mar toch zien ze anders ;-).
Marco Seelen en Monique, ien 2013 bïj ’t Bombakkes gekômme. Marco was gevraogd of hïj de nïje vörziter van ’t Bombakkes wilde worre. Daor hoefde Marco en Monique as echte vastelaovensvierders nie lang ovver nao te dinke. Al die jaore hebbe zij zich iengezet vör de clup. Mit as högtepunt 2024. ’t Jaor dat ze Prins en Prinses zien geworre van ’t Bombakkes.
Marco Thijssen, ôk ien 2013 bïj de raod gekômme. Duk de man achter de camera, mar zoas hier baove te zien smeis toch ôk èèges op de foto. Hïj het veul foto’s gemakt vör de clup zodat we altied trug kunne kieke op alles wat d’r is gebeurd. Hïj het zien èège vör de clup iengezet.
Gister waare ze vör de lètste keer ien ornaat bïj ’t Bombakkes en hebbe ze afscheid van ’t Gennepse volk genoome op de töffel bïj de Kroon. Intern zulle wïj nog afscheid neeme tijdens de jaorvergadering.
Maar via dizze weg wille wïj, ’t Bombakkes, óllie hartelijk bedanke vör alles wat gillie het gedaon vör de clup en de Gennepse vastelaovend.