Nao ’n geweldig mojje vastelaovend is het nów dan helaas wér vörbïj. Mit Prins TaTa-Tom d’n Örste mit Kirsten ân zien zij hebbe wïj ’n prachtige tied belèèfd. ’n Tied die zij, zoas Bjorn en Mieke ien hun hit, “noeëts mèr vergaete” zoas zïj gister èèges hebbe gezet op de Mé.rt.
Trugblik op de afgeloope daag
Onder leiding van Prins Tom d’n Örste en Prinses Kirsten begos afgeloope vrïjdag de vastelaovend dan echt.
Schôllebezuu.k
Wïj verzaamelde mit de raod, vrollie en joeks bïj ’t paleis van o.nze Hoogheden. Van daoruut zien we richting de Ratel vertrokke vör de mini-mé.rtzitting die zïj daor georganiziert hân vör alle blage en de raden van elf uut Gennep. Nao wat feest môsse we toch dör naor ’t KEC (Genapja) waor wïj de drie andere schôlle uut Génnep ’n bezuukje brochte en feest mâkte.
Dan kriede toch altied honger van al dat feeste, dus as afsluuting van ’t Schôlle bezuu.k hebbe wïj mit zien alle nog efkes geluncht bïj de Prins en Prinses tuus. Nao de lucnh is d’r nog ’n klèène dillegasie naor de Mikado gegaon.
Sleutelaoverdracht
Öm 19.00 uur begos de Sleutelaoverdracht, de burgemèèster en de vorste uut van geminte Gennep hân zichzelf goe.d vörbereid op hun speeches. Zoas altied wier de spiegel vörgeha.lde. ’n Mojje aovend georganiziert dör de geminte en veul werk van de sprekers. Bedankt daorvör.
Mé.rtzitting
Vöraf ginge de verhaole rond dat ’t wel ‘ns slecht weer kôs worre, mar de zon scheen dus dat was al moj. Wel was ’t ènne ka.lde edisie van de Mértzitting. Mar dit kôs de pret nie drukke. De vastelaovesgekke uut Gennep en omstreeke hân d’r zin ien en kwaame massaal naor de twee feestpleine. De middag bos direct mit ’n knaller John Tana zörgde dat we meteen wakker waare. En hiernaovolgde d’n nog veul meer artieste. Goede organisatie en wér (zoas altied) ’n geweldig feest vör en dör Gennep (natuurlijk saame mit Ottersum).
Optocht
Zondagmiddag en ’t wéér was alwér goe.d! De zon kwam smeis zelfs dör, de vastelaovesvierders ien hun mojste pèkskes en mit de grootste, klèènste en zelfs zonder waages liepen ien unnen bonte stoet dör Gennep. Vördat ze ân de optocht begonne nog efkes zwaoje naor de staolende Prins Tom en Prinses Kirsten baove op de Prinsewaage.
Nao de optocht zien we naor d’n After op de Mé.rt gewèst, mar toen de priesuutreiking begs wier ’t toch wel ka.ld en begos ’t te snèjje en ’t bleef zelfs ligge. Dus al gauw ging iedereen naor binne waor ’t lekker werm was. Mit ’t Bombakkes ginge we de Typhoon ien, waor ’t gezellig druk was (lees propvol), mar de sfeer was geweldig en we hebbe schik gehad.
De echt “nie-naor-huus-toe-kunners” zien nog efkes dör gegaon naor de Kroon waor ze nog efkes konde stampe op de klanke van de Nachtvlinders.
Môndag
De kienderoptocht begos mit rèège, mar we konde net ’n bietje schuule vördat ’t begon. Mar helaas wiere we wel nat ömdat ’t toch wat bleef rèègene. Mar dat mâkte de kiender nie uut! ôk o.nze Prins en Prinses hadde nörgend last van en makte d’r gewoon ’n feesje van. Mar dör de reege was ’t nie druk nèvve de kant van de weg.
Naor ’t Kruumelbal waor d’r lekker wier gefeest en gespeuld dör de kiender. ’n Moj feest van de Coloradokevers. Prins Tom en Prinses Kirsten de polonaise ien met alle kiender en feest maake.
De reseptie van de jubilerende Nïje Mikser (2×11 jaor) was bïj de Kroon. De Kroon was wér bommetje vol en de zuure bomme (mit kèès en worst) ginge dör ’t café. De ene naor de andere club kwam de jubelarisse fillicitere en gaf nog meer èète öm uut te dééle. Prins Tom en Prinses Kirsten zien bïj de Kroon mar moeilijk van “t Biljard” te kriege. Geweldig
Mar d’r was ôk nog ’n andere jubilaris, Ruud en Petra zien dit jaor 11 jaor ien de Dragonder. Daoröm zien we daor ôk nog efkes naor toe gegaon. ’t Was al lâtter en iets minder druk dan bïj de Kroon, mar toch hebbe we hier ’n gezellig feest gehad saame. Guus het nog efkes zien pruuk en witte pak ângetrokke en de boel op de kop gezet, natuurlijk geweldig (als zeg ik ’t zelf ;-).
Dinsdag
Verzaamel bïj de Mouter saame mit de Waggelaars en Coloradokèèvers. De lèste uurkes van de vastelaovend zien dan ângebrooke. Vör sommige kan ’t nie lang genoeg duure en vör andere is de energie d’r wel uut. Makt niks uut dit wilde toch nie misse. Van de Mouter ien ’n stoot achter de joekskapelle ân naor de Kroon. Bij de Kroon was ’t al moj vol toen wïj binne kwaame, mar ’t wie mar druker en drukker, de tent was ramvol öm afscheid te nèème van de Gennepse Hoogheden. öm de beurt “t biljart” op en feest maake. Todat op ’t ènd nog alleen Prins Tom d’n Örste en zien Prinses Kirsten aover zien gebleeve. Teun fluit en we gaon naor buute.
Dan is ’t echt klaor… de Prinse spreeke de vastelaovesgekke, die zich verzaameld hebbe op de Mé.rt, toe. De fluit va Teun gaat en de steken en mutsen gaon af en Prins Tom en Prinses Kirsten zette de pop ien de fik. ’n Gennepse traditie en dan is de vastelaovend vörbïj en gaon wïj wér dör mit o.ns gewone lèève…
We zien o.ns op d’n 11e van d’n 11e