't Bombakkes

Afgeloope vrïjdag, op d’n 11e van d’n 11e hebbe we ’t nïjje vastelaovesseizoen wér feestelek iengeluid. Nao de mójje openingsmis ien de Martinuskerk, opgeluusterd dör o.ns joekskepélle en vocal group “Goldies”, was ’t en Prins Barend d’n Örste öm op ’t bordes van o.ns 399 jaor a.lde Stadhuus ’t seizoen offiesjeel vör geopend te verklaore. De steeke wiere opgezet en onder de kla.nke van ’t Génneps volkslied wier de vlag van de gezaameleke Génnepse vasteloavesvereniging ien top geheese. (meer…)

Vanmiddag, nao afloop van ’t jubileum concért van “zien” Vocaal, is o.nze Officier Ernst Lamers benoemd tot Lid ien de orde van Oranje Nassau. Burgemèèster de Koning had de eer öm hum names dén andere Kunning de versiersele op te spe.lde.

Ernst hét heel veul verdienste vör de Génnepse kunst en (meziek-)cultuur. Hïj hét (mit) en de wie.g gestaon van tal van eveneme.nte die nów nog steeds ien Génnep op de kaort staon: De Revue, Summmertime, de Mé.rtzitting, ze hadde d’r zonder zien ienbreng nie zo bïjgestaon as ze nów duun. En natuurlek hét ie zien Génneps Vocaal Ensemble de afgeloope jaore tot groote högtes weete te stuuwe. ’t Concert van afgeloope middag was daor nog ’s ’t bewie.s van.

Kortöm, wïj zien gröts op o.nze Officier en fillisiteere hum mit dees dik verdiende onderscheiding. Natuurlek ôk en proficiat vör Maria en de rest van de femilie.

Gistere kreege wïj ’t mójje bericht dat ’t o.nze Kunning Willem Alexander hét behaagd öm Thei van Rens te benoeme tot Lid ien de Orde van Oranje Nassau. Thei hét heel veul verdienste vör de Génnepse gemeenschap. Bïj ’t Bombakkes kénne wïj ‘m as de “opper-ordekommissaris”. De klup van ordekommissaarisse hét afgeloope vastelaovend nog ’t offisjeel 2×11 jaorig bestaond gevierd, onder ’t vörzitterschap van Thei.

Dees kunninkleke onderscheiding was natuurlek en extra fillisitaasie wérd, en daoröm is o.nzen èège Hoogheid, Prins Barend, gistere nog efkes bïj Thei op bezuuk gewést en hét ‘m nog en extra prinselek lie.ntje opgeprikt.

Thei, naames iedereen bïj ’t Bombakkes, van harte profiesjat mit dees benoeming!

Gisteraovend (dinsdag 5 april) is ien de raodsvergadering Geert Spikmans gekooze tot nïj raods- en bestuurslid bïj ’t Bombakkes. Vör de mèèste zal Geert génne onbekénde zien: Hïj was ien 2014 Prins van ’t Bombakkes en is al jaore één van de drie.vende krachte a.chter de Bombakkeskra.nt. Saame mit zien kornuite van ’t  “Stadskommitee” was hïj de afgeloope twee jaor ôk al verantwoordelek vör Sjiengeleboem-maondag.
Drék nao zien Prinsejaor was Geert nog druk mit studie(s) en a.ndere beezigheede, mar nów hét ie, naor èège zégge, heel veul zin en genoeg tied öm zich op dees nïjje uutdaaging te storte.  As raod en bestuur zien wïj blïj én gröts dat dizze rase.chte Génnepse vastelaovesvierder o.ns geleedere kömt verstérke. Wïj wi.nse hum, natuurlek saame mit zien Lilian, heel veul plezier en suuksés bïj o.ns mójje clup!
Geert zal ien ’t bestuur Mark Salden opvollege, den hét engekondigd mit de jaorvergadering ien juni afscheid te zulle neeme.

Mit de trekking van de Optochtloterij, die pléts vo.nd op as-woensdag 17:00 uur, hét o.nzen Dorstlustige Hoogheid Prins Barend d’n Örste de volgende nummers uut de busse gehaold:

(meer…)