't Bombakkes

Op zaoterdag 1 fibbrewaori hield onze hoogheid Prins Carlo saame mit zien prinses Kim resepsie ien zaol 4Events. T was ènne drukke aovend mit veul moijje weurd die ân t prinsepaar gericht wiere. Femilie, vriende, bekènde en verschillende vastelaovendsvereniginge van Noord- tot Zuid-limburg kwaame öm hun fillisitaasies ôvver te brenge. Via deez link kunde de foto’s van dèn aovend nog èns terug kie.ke.

Ien unne mój versierde en goe.d gevulde feesttempel van 4-Events, is gisteraovend Prins Carlo d’n Örste uutgeroepe tot de 74e Prins van ’t Bombakkes. Saame mit zien prachtige Prinsés Kim, zal hïj de Génnepse Vastelaovesgékke vörgaon ien de kommende Vastelaovend.

Op ’t “Prinsebal Masqué” waare veul mój verkleejde én gemaskerde ga.ste afgekómme. Iedereen was ien afwachting van ’t démasque, mar vördet ’t ze wied was, wier de zaol al goe.d opgewé.rmd dör de Génnepse Joekskapélle en de fanastische Venroyse bend Wiendkracht 11.

Mar op un gegèève mome.nt wier ’t groote videosche.rm naor o.nder gelaote en zaage we d’n nïjje Hoogheid langs allemaol bekénde plétse dör nachtelek Génnep loope. Toen we ‘m bïj de feestzaol èn zaage kómme duurde ’t ôk nie mér lang, wies we saame mit Vorst Geert begosse af telle, van 11 wies 1. ’t Sieloewet van de nïjje Hoogheid wier ien enne tunnel van leeser-licht zichtbaar. Toen ging ’t licht ân, d’n tunnel uut, en ienèèns was ie daor: Prins Carlo d’n Örste van ’t Bombakkes!
Ut entoezjasme ien de zaol was grandioos en al gaw sto.nd ôk Prinsés Kim nevve hurre Prins te straole.

Nao ’t vörlèèze van de proklamaasie en ’t bekénd maake van de benoeminge kwame Prins en Prinsés de zaol ien en kos ’t feest e.cht los gaon. Saame mit de Joekskapélle, DJ Hans én Wiendkracht 11 wier ’t nog unne fantastiese aovend.

Ge ku.nt nów alvast een bietje naogeniete mit de foto’s van Marco Thijssen , den ôk al plötjes van ’t Oope Huus hét geschoote.

D’r is ènne tied van kômme en ènne tied van gao.n.

Vör ex-prins Marco & ex-prinsès Monique was t afgeloope zaoterdag zö wiet: ’t Boerebal.

Nao èn stevige boerenkoffietôffel hèbbe ze ien èn moij gevuld Hotel de Kroon nog èn par uurkes kunne geniete van ‘t prinseschap. Nao hun afscheidswoorde, wiere ze o.nder de kla.nke van de krääjemars ontdaon van alle versiersele.

Monique is opgenoome ien t zusterschap van de Ex-Prinsèsse.

En Marco mâkt sinds zaoterdag dèèl uut van t broederschap van de Ex-hoogheden.

’t Hèt d’r nog ééne kier goe.d gekruld mit Marco & Monique!

Mâr nôw is t tied um te rikraoje wie op 18 jannewaori deez mi.nse op mug volge.  

Tot dan!

Op 18 jannewaorie is ut PrinseBal Masqué!

Dit is d´n aovend waorop de nïjje heerser van Gennep uut zal kômme. We hébbe net as vörrig jaor wér vör un gemaskerd bal gekooze. We gaon zo trug naor de oorsprong van o.nze naam: ’t Bombakkes.

Wïj wille iedereen vraoge öm gemaskerd te kômme. De zaol, Pica Mare, is oope vanaf 20.00 uur.

We hebbe unne bomvolle aovend: DJ Hans, de Gennepse joekskapellen en Wiendkracht 11 zörge vör de feestelijke meziek. Ze zulle alle meerdere keeren hun klanke ten gehore brenge.

Rond 21.45u zal ut demasqué zien en kort daornao zal de nïjje Hoogheid zich op verrassende wie.s onthulle. Dus zörg det ge op tied binne ziet zodet ge niks mist van dizze feestaovend!

Op zaoterdag 16 novémber was Gennep ’t middelpunt van de vastelaovend ien de gemènte Gennep.

Saame mit de carnavalsclubs uut de ömliggende dörpen organiseere wïj dit evenement. Öm acht uur verzamelde alle raode van ellef uut de gemènte Gennep zich ien de feesttent op ’t Jan Lindersplein. Onder het genot van de hits van DJ Hans kömt iedereen langzaam ien de stemming vör de feestaovend. Zuutjes èn stomt de feesttent vol mit vastelaovendvierders uut de ganze gemènte, jong en a.ld zien d’rbïj en wille dit mitmaake.

Öm half negen oopene vorst Theike (Maskotters) en Bart (Diepenkikkers) de aovend en de prinse gaon de bühne op. O.nze burgervaoder Hans Teunissen mug d’n aovend oopene waarnao de prinse flink op de kist houwe. Ze hebbe d’r zin ien net as ’t publiek!

Limburgse feestband Nachtwaerk start mit hun örste set. Ze speule de bekende Limburgse liedjes. Ze speule meerdere sets op dizze aovend. ’t Publiek zingt alle nummer moj mit.

Daorna is ’t tied vör ’t Feestteam, dizze twee nachtegaoltjes zette de tent op zien kop, ’t dak get d’raf. Mit al hun parodieën op bekende nummers mit feestelijke beats d’ronder zakt en springt ’t publiek en gaon de shirts uut öm mit te zwaoie. Nao ’t feestteam mug DJ Hans zien kunsten op de ‘wheels of steel’ vertonen, hit nao hit vör jong en a.ld.

Op ’t ènd van d’n aovend hebbe we nog ’n knallend toetje, DJ Duo de Nachtvlinders kômme de bühne op! Mit Limburgse hits waor ze remixen van maake gaon we mit zien allen springen, stampen en lallen. Er volge bubbeling-, hardstyle- en sjoenkelliedjes. Ze kriege de mènse zelfs nog ien de polnaise. Letterlijk ’n knallend ènd van dizze geweldige aovend.

Al mit al was ’t ôk dit jaor wèr ’n geweldige editie van GAON en dat ien o.ns èège Gennep! Volgend jaor is GAON urgend anders ien de gemènte.