Hieronder d’n uutslag van d’n vastelaovendloterij:
Uutslag vastelaovendloterij
Vastelaovend 2026 vorbïj, wïj kieke trug
Nao ’n geweldig mojje vastelaovend is het nów dan helaas wér vörbïj. Mit Prins TaTa-Tom d’n Örste mit Kirsten ân zien zij hebbe wïj ’n prachtige tied belèèfd. ’n Tied die zij, zoas Bjorn en Mieke ien hun hit, “noeëts mèr vergaete” zoas zïj gister èèges hebbe gezet op de Mé.rt.
Trugblik op de afgeloope daag
Onder leiding van Prins Tom d’n Örste en Prinses Kirsten begos afgeloope vrïjdag de vastelaovend dan echt.
(meer…)Uutslag Génnepse Optocht 2026
Op zondag 15 Fibbrewaori trok de groote optocht wér dör de Génnepse straote. Hiero.nder ku.nde d’n uutslag lèèze. De foto’s (mit da.nk èn d’n Haon) stôn ien ’t spissjaale album.
| Pries | Uutbeelding | Makers |
| HOOFDPRIES € 250 | Génnepse Wien | CV Moj Bïjén |
| PRAALWAAGES | ||
| 1e Pries € 150 | ’t Herstel van de Maosbrug | CV Hoppe Thee |
| 2e Pries € 100 | “Vorst” verlet | H.E.L. |
| 3e Pries € 75 | Mit Vastelaovend maake wïj al o.ns droome waor, mit schöpkes télle zien wïj nog lang nie klaor | C.C. Modè.rne Blénders |
| 3e Pries € 75 | Een grote beestenboel | C.V. Tied Zat |
| GROOTE GROEPE | ||
| 1e Pries € 150 | Wej nimme Gennep te graoze | Club Carnavalesk |
| 2e Pries € 100 | Al 33 jaor in de optocht veurop! Als indianen zetten we jaor nao jaor Gennep op de kop! | C.C. de Losbollen |
| 3e Pries € 75 | Nog a.ltied gèn prins nao 22 jaor, Dörum doe.n wïj ’t èèges mar | Nïje Miksers |
| 3e Pries € 75 | Wïj zien ien en goeje buuj Ó.nder moe.ders pèrrepluuj | De A.lde Garde |
| KLÈÈNE GROEPE | ||
| 1e Pries € 75 | Gennep schitter op het witte doek | Gen stress in de hut |
| 2e Pries € 50 | Wïj zien wi.ld van de vastelaovend | Peppel vrollie |
| 3e Pries € 25 | D’n vastelaovend met stip op één! | Goej greij |
| 3e Pries € 25 | Alles uut de kast | Nog enne |
| 3e Pries € 25 | Wilde mien kusse? | De Popla’s |
| 3e Pries € 25 | Discovrollie | Meisjes van plezier |
| ÈNMOEDIGINGSPRIES | Wij brengen een koele Carnaval | De ijscoknallers |
| Bouwplaats | Is ôk moj |
’t Het d’r mundig gekröld tijdens ’t Krölt d’r!
öm 18.00 uur stonde de örste bezuukers van ’t Krölt d’r al vör de deur van Pica Mare zodat ze de beste plètse ien de feesttempel konde gemachtigen. Toen eenmaal de deur oope ging vlooge ze as bezetene de zaol ien ;-).
Öm ellef minuute vör 7 trok de raod vör de Prins Tom 1 en Prinses Kirsten de zaol ien. Geert verwelkomde iedereen ien de zaol. De zaol was wèr schitterend ângekleejd mit ’n geweldige lichsjoow. Nao de welkomswöörd van de Vorst mos Barend naor vörre kômme. Hïj wie benoemd tot Officier van ’t Bombakkes Vör al zien ienzet in alle jaore dat hïj lid was van de clup.
Hiernao kwam de prizzentator de bühne op die uutlegde wat het thema was. ’t Thema was Limburg vs. Brabant en tussendör kreeg ’t publiek vraoge. Nao dizze uutleg en de örste vraoge kwam de troebadour van Schrobbelèr ’t podium op. ’n Limburgse jong die tiggewoordig ien Brabant woont. En daormöm ’n mojje mix van Limburgse en Brabantse hit kos speule. Mit as resultaat dat de Gouverneur mit kwam zinge op de bühne.
Natuurlik traden o.ns èège dansgardes op, dit jaor mar liefst 4 dansgardes! Mit allemôl ’n mojje dans.
Mar we hadde ôk twee buutreedners van buute Gennep, dit mit hun grappe de lachers op hun hand hadde. Mar tradisiegetrouw waare de Ex-Hoogheden nao de pauze ân de beurt mit hun stuk. Dit jaor “Tussen Kunst en Kitsch” as hun thema. Een mix van filmpkes en live sketches ovver lokale dinge.
Lâtter kwam Genneps Gemixte de zaol ien mit de meezingers en de zaol dit moj mit. Hiernao was ’t tied vör de afterparty waor de Prins en Prinses nog ff flink feest maake mit hun vriende van CC Noojt Zat.
Mar foto’s zegge meer dan woorde, dus klik snel HIER öm naor ’t fotoalbum te gaon en geniet nog efkes nao van ’t Krölt d’r.
Barend is officier!
Tijdens ’t Krölt d’r wier ex-raodslid Barend van der Venne de bühne opgeroepe. Vorst Geert haj één of ander smoesje bedocht, mar Barend kennende trapte hïj daor nie ien, hij speulde wel goe.d mit… Mar al vrij snel kwam de aap ut de spreekwoordelikke mouw. ’t Bombakkes wooj Barend verassen mit de benoeming tot officier, mar hoe doede da bïj iemand die alles altied (dinkt) dör te hebbe… Uuteindelijk makt dat ôk niks uut. Barend het dizze benoeming dik verdiend vör al zien ienzet vör ’t Bombakkes en vör de Gennepse vastelaovend.
Natuurlik was dit allemôl nie gelukt zonder Jeanette die zich ôk altied het iengezet vör ’t Bombakkes. Saame hebbe ze records verbrooke. Jeanette is ien 1988 as trèènster van de dansgarde begonne bïj ’t Bombakkes en al snel volgde Barend haar. Barend wier ien 1991 raodslid van ’t Bombakkes. Dat wil dus zegge dat Jeanette 37 jaor lid van ’t Bombakkes is gewèst en Barend 34 jaor! Zo zien zij degene die ’t langst lid zien gewèst van ’t Bombakkes.
Barend en Jeanette hebbe alle functies binnen ’t team van de prins gehad. Zo begone zïj ien 1994 bïj Prins Toon ien ’t team en hadde zïj bïj Prins Marco d’n Örste vör de lè.ste keer ’n funksie. Ien 2016 kreege ze zelf de högste eer van de Gennepse vastelaovend, ien dat jaor hebbe zïj as Prins en Prinses Carnaval mit de scepter mugge zwaoie.
Ien al die jaore het Barend ien allemôl verschillende commissies of werkgroepe gezeete. Zo is hïj 28 jaor vörzitter van de optochtcommissie gewèst. Mar hïj zat ôk ien de commissies van ’t Schlagerbal, vruutersfeest en de recepsie en èègelik alles behalve de Zitting. Buute de commissies het hïj zich ôk jaore iengezet binne de Technische Commissie zodat alles spik en span ien orde was.
De lè.ste jaore probierde hïj de nïjje leeje scherp te ha.lde en was hïj ’n sort van geweete van de clup. Mit alle jaore ervaring ien zijn achtertès had hïj veul kennis ovver o.nze mojje clup. Mar ôk altied mit ’n knipoog, zo stemde hïj duk tèège as iedereen veur was. Hïj stemde zelfs tèège zien èège ideeën.
Al mit al kunde wel zien dat Barend, maar zeker ôk Jeanette, zich mit volle overgave het iengezet vör ’t Bombakkes. En daoröm het hïj dizze benoeming dik verdiend.
Barend en Jeanette BEDANKT!