't Bombakkes

Op zoaterdag 3 jannewaorie was ’t alwèr tied vör ’t boerebal. ’t Prinsejaor van Prins Carlo en Prinses Kim is werkelik waor vörbïj gevlooge. Veul hôgtepunte hebbe ze gehad, mar ân al ’t mojs mot toch echt ’n keer ’n ènd kômme.

’t Was rond half 9 toen de örste minse binne kwaame gedruppelt. De snèj viel goe.d uut de lucht en d’r lang veul snèj, ienmiddel ies, op de grond. ’t Was dus een “helse tocht” öm bïj Hotel te Kroon te kômme. Mar zuutjes èn strömde d’r steeds meer minse naor binne.

De aovend begon rustig, iedereen mos nog efkes werm worre nao de ka.lde tocht dör ’t Gennepse. Mar vördat we d’r erg ien hân stonde de dansmarietjes baove op d’n tôffel. ’t Was tied um afscheid te nèème van twee van o.nze Dansmarietjes. Jet en Marloes vonden ’t nao ’n paor jaor moj gewèst. De clup van Ex-Dansmarietjes spraake de dames toe waornao ze toetraade tot dizze clup.

Marloes en Jet bedankt vör de afgeloope jaore.

Hienao was ’t tied vör Prins Carlo en Prinses Kim öm nog efkes feest te maake op “ut biljart”. Mar al gauw wier ’t feest verstoord dör de Ex-Prinsseclup. Zij kwaame bïjèn en dat betekende dat de lètste minute van Prinses Kim zien iengegaon. Ex-Prinses Monique kreeg de eer öm, toen nog, Prinses Kim toe te spreken. Ze kreeg de roze zakdoek en hiernao was ’t gedaon en was Kim wèr ’n Gennepse boerin.

Ondanks dat Kim boerin was geworre hield dit haar nie tèège öm saame mit Prins Carlo flink op de kist te houwe. D’r wier nog flink gehost en gespronge op de tôffel vördat de lètste 11 minuten van Prins Carlo zouwe iengaon. ’t Team van de Prins liep al mit de koffer dur ’t café, as teeke dat ’t hôst was gedaon mit Prins Carlo. En dat was ôk zo, want zoas altied, wanneer ’t gezellig is vliegt de tied vörbïj.

Vorst Geert en Carlo prooste nog één maal en toen richtte Prins Carlo zich tot de minse ien ’t café. Een kort dankwoord aan iedereen, maar zeker ân zien team. ’t Team wat vör ze klaor het gestaon. Hïj nodigde ze uut op de tôffel öm de lètste minute feest te maake.

Hiernao de taak ân ’t team öm Prins Carlo te ontdoen van zien prinselikke versierselen tot hïj ien zien hemd stond te kieke. Mar toen kreeg hïj de boerekiel van de Ex-Hooghedenclup ân. Zoas altied stond de Ex-Hooghedenclup al klaor öm ’t örste rondje ien ontvangst te neeme van hun nïjste lid.

Zoas te lèèze was ;t wér ’n gezellige aovend en ’n moj afscheid van Carlo en Kim.

’t Krölt d’r!

Tijdens ’t Boerebal kwam ’t SLV, mit gevaor vör èège lèève dör de snèj, naor Gennep öm Ivo en Barend te onderscheiden mit de Orde van Verdienste vör hun jaore lange ienzet vör ’t Bombakkes.

As örste wier Ivo verrast toen zien naam wier ömgeroepe. Ivo het zich onder andere jaore iengezet vör de zitting as vörzitter van de commissie. Ivo het ôk duk ’n functie gehad ien ’t team van de Prins, duk waren Henriëtte en hïj twèdde adjudant en zörgde ze dat de dansmarietjes niks te kort kwaame. Mar ôk wilde hïj zich altied ienzette vör de vereniging en mit zien enthousiasme kreeg hïj vaak de neuzen dezelfde kant op.

Zelfs nòw Ivo gestopt is bïj ’t Bombakkes organiseert hïj nog vastelaovendactiviteite. Saame mit ’n gruupke minse hebbe ze de Liedjesaovend nïj lèève iengeblaoze: Genneps Plat.

Toen was ’t de beurt ân Barend, vör hem minder onverwacht, toen de SLV binne kwam zei hïj al: “Oh die kômme vör mien”. En zo bleek. Barend, de nestor van de clup, is nao 34 jaor (recoorhouder langste raodslid) gestopt bïj ’t Bombakkes. Ien Gennep mos iedereen afgeloope vastelaovend twee keer kieke toen ze hem zaage loope, want nao 34 jaor liep hïj niet ien smoking tijdens de vastelaovend.

Barend het ien zowat elke commissie gezeete en zich daor altied vör iengezet. Hïj is jaorelang vörzittter gewèst van de optochtcommisie. Dör zien jaorelange ervaring was hïj ôk ’n soort geweete van de clup, hïj wist veul van de historie van de clup. Hïj had altied ’n kritische blik en zelfs op zien èège ideeën stemde hïj tèège. Nao al die jaore hebbe Jeanette en Barend afscheid genoome van ’t Bombakkes.

Ivo en Barend, maar natuurlijk ook Henriëtte en Jeanette, bedankt vör alles wat gillie het gedaon vör ’t Bombakkes en vör de Gennepse vastelaovend!

Vanaf vandaag kunde ów ènme.lde vör de groote Optocht den op 15 fibbrewaori mért wér dör de straote van Génnep zal trekke. Alle gegèèves en informaasie kunde viende op de spissjaole optocht-pagina.

Op dindag 11 novémber öm 18.00 uur starte DJ Hans ’t örste vastelaovesliedje ien. De örste mi.nse stonde al op de mé.rt, die wér geweldig verlicht was. ’t Eeuwena.lde stadhuus op de mé.rt was tradisjioneel gekleurd ien rood, geel en gruun.

Rond 19.11 uur trekken Prins Carlo I, Prinses Kim en de raod van ellef de bühne op en kriegt Vorst Geert ’t woord. Hij hiet iedereen welkom en het nog ’n moj verhaol aover de vastelaovend. Het stelt o.nze nïje raodsleeje vör ân ’t publiek. Op dit moment is de mé.rt al moj gevuld mit vastelaovesgekke die ien bonte kleure en mit lempkes schik maake.

Naodat ’t Limburg volkslied uut volle borst is mitgezonge dör de raod en alle ânweezige op ’t plein is ’t tied öm echt af te trappe! DJ Hans zet ’n knaller ân en de vastelaovend ien de Niersstad is offisjeel begonne!

Zè gauw as de raod van de bühne af is staon de leeje van W-Dreej al klaor öm ’t stökske aover te neeme en het publiek te verblijde mit hun vastelaovesliedjes. Liedjes die veul mi.nse mar al te goe.d kenne, want ze hebbe nie vör niks drie keer achter mekaor ’t LVK gewonne.

Nao W-Dreej neemt DJ Hans ’t aover en al gauw staot Pruuf Mar klaor. Bruur en zus hebbe d’r zin ien. Ondanks dat ze al d’n ganse dag op pad zien zien ze nog niet klaor ien dizze Kepotmaakerïj. D’r was gèn dak, mar anders was die d’r zeker af gegaon.

Patrick Hendriks en Rempetemp mochte lâtter hun vastelaoveshits ten gehoore brenge. Op ’t moment dat zij op de bühne stonde was de mé.rt ien ’t pittoreske Gennep al ramvol gestroomd. De knallende beats van DJ Hans op het ènd veraodde al dat d’r heel veul jeugd naor D’n Aftrap toe was gekômme. De jeugd het de toekomst.

’n Geweldig mojje aovend, ’t belaoft wér ’n prachtig seizoen te gaon worre. Op naor GAON as. zaoterdag ien de feesttent op de Milsbèk.

’t Fotoalbum van d’n Aftrap stét ôk online. Mit da.nk èn d’n Haon.

Ien de lèèftied van 86 jaor is op donderdag 16 oktober Annie Wevers-Guelen overleeje.
Annie was méér dan een ex-prinses. Straolend sto.nd ze nèève heure mins, Prins Denie I. Hïj was de urste prins dén bïj Hotel de Kroon uutkwam, én zïj was d’r bïj, ien 1979. Uutbundig hébbe ze dizze periode belèèfd.

En daornao hét zïj zich mit veul energie iengezet vör ‘t Bombakkes, vör de Ex Hoogheden en daornao ôk nog vör de ex-prinsesse. Kleding maake vör “heur meidjes” van de dansgardes, mar ôk de kiele van de Ex
Hoogheden. Die wierre geleeverd mít wasvörschrift, want de kiele mosse wél netjes blieve. Achter de nääjmasjien was Annie ien d’r element. Vanwege heur verdienste vör de Ex-Hooghedenklup is ze ‘n par jaor geleeje benoemd tot: Freule van Naold tot Draod. Énne titel die ze mit veul vreugde en vol trots droeg.
Toen de ex-prinsésse zich begonne te vereenige had zïj nóg ‘n groep waor ze mit veul pleźier ân deelnam. Naodat bïj ‘t onvolpreeze Lallebal de groep van ex prinsésse énne beker won, mocht zïj die ien ontvangst neeme én tuus nérzétte. De trofee wier iedere wèèk keurig afgestöfd.

Saame mit inkele andere ex prinsésse deej ze nog dûk kaorte. Daor zal ôk mit eenige regelmaat ‘t wél en wee ien carnavalsland besprooke zien.

Wïj winse de femilie veul sterkte mit ‘t verlies van dees markante vrôw, en zien dankbaar vör
wat Annie vör de klup betèèkend hét..

Broederschap Ex-Hooghedenklup ‘70 ‘t Bombakkes.
Vastelaovendclup ‘t Bombakkes.